توثيق شخصيات سودانية | توثيق : رانيا فتحي صالح علي | الشاعر : إبراهيم العبادي

صوت الشارع

توثيق شخصيات سودانية

توثيق شخصيات سودانية | توثيق : رانيا فتحي صالح علي | الشاعر : إبراهيم العبادي

✨إبراهيم العبادي.. الكلمة المغنّاة والقصيدة المُمَثَّلة✨

🎙️ معانا الليلة سيرة شاعر من أعمدة الحقيبة… إبراهيم العبادي.

إبراهيم العبادي وُلِد في أم درمان سنة 1894، في حي العبابدة قدّام مستشفى أم درمان. أهلو نزحوا من بربر ومصر، واستقروا في الحي داك. طفولتو كانت بسيطة، بدأها في خلوة الشيخ الطاهر الشبليلوة، وبعد دا دخل المدرسة الأولية في أم درمان الوسطى. لكن والدو شاف إنو التعليم الكتبو الله كفاية، فطلّعو من المدرسة عشان يشتغل معاه في زريبة المواشي. ما وقف هنا، رسلو بعدين لـ خلوة الشيخ البدوي، وهناك العبادي حفظ قدر من القرآن وتعلم مبادئ الفقه.

الزول دا وُلد في زمن المهدية، وكان من أوائل الناس البوضعوا اللبنات الأولى لفن الحقيبة. سنة 1914، شارك مع الفنان محمد أحمد سرور في تأسيس الغناء الحقيبي، وكتب أشعار خلدها كبار الفنانين زي سرور، خضر بشير، وبادي محمد الطيب.

🔹 من أغانيه الباقية في الوجدان:

– يا عازة الفراق طال
– برضي ليك المولى الموالي
– الجيدة قزاز ظبي العزاز
– سايق الفيات
– آلم البعاد
– ببكي وبنوح وبصيح
– الضاوي جبينا
– رجال الهمة

لكن العبادي ما وقف في حدود الغناء… في سنة 1927 كتب مسرحيته الشهيرة “المك نمر”، واتمثلت سنة 1928 على خشبة فرقة نادي الزهرة بأم درمان. ومن هنا بدأت تجربة المسرح الشعري في السودان.

🎶 إذن، العبادي ما بس شاعر حقيبة… هو رائد جمع بين الكلمة المغناة والمسرح الشعري، وترك بصمة ما بتتنسى في تاريخ الفن السوداني.

—

𝓡𝓪𝓷𝓲𝓪
محٍبَة وُموُثقٌة لُِلُِفُن آلُِسوُدِآني آلُِقٌدِيم

6/9/2025